Fógra Fiuchta Uisce eisithe do chustaiméirí a fhaigheann a soláthar uisce ó Sholáthar Uisce Poiblí Leitir Fraic

Information below is relevant until further updates are provided here or on our Supply and Service Updates section

Tá Fógra Fiuchta Uisce eisithe ag Uisce Éireann do chustaiméirí a fhaigheann a soláthar uisce ó Sholáthar Uisce Poiblí Leitir Fraic i gContae na Gaillimhe.

Tá an fógra seo á eisiúint chun sláinte thart ar 138 custaiméir a chosaint de bharr fadhbanna meicniúla ag an ionad cóireála uisce.

Is féidir le custaiméirí a sheiceáil an bhfuil a réadmhaoin san áireamh trí chuairt a thabhairt ar rannán Cáilíocht an Uisce agus Éirchód na réadmhaoine a chur isteach nó trí ghlaoch a chur ar líne chabhrach Uisce Éireann do chúram custaiméirí, atá oscailte 24/7, ar 1800 278 278.

Tá léarscáil den cheantar faoi iamh agus ar fáil le breathnú uirthi ar an rannán soláthair agus seirbhíse. Tag. GAL00118553.

Tá saineolaithe uisce óil ó Uisce Éireann ag obair chun na fadhbanna meicniúla ag an ionad cóireála uisce a réiteach agus deireadh a chur leis an bhfógra chomh tapa agus chomh sábháilte agus is féidir, i gcomhairle le Feidhmeannacht na Seirbhíse Sláinte (FSS).  

Is oth le Leo O’Shea ó Uisce Éireann an mhíchaoithiúlacht do chustaiméirí atá buailte.

“Is í an tsláinte phoiblí an phríomhthosaíocht atá ag Uisce Éireann, agus ba mhaith linn custaiméirí a chur ar a suaimhneas gur tugadh an fógra isteach chun an tsláinte phoiblí a chosaint.”

“Admhaímid an mhíchaoithiúlacht a chuirtear ar theaghlaigh agus ar ghnólachtaí agus ba mhaith linn custaiméirí a chur ar a suaimhneas go bhfuilimid ag obair chun an fhadhb a réiteach agus deireadh a chur leis an bhfógra chomh tapa agus chomh sábháilte agus is féidir.”

Tá caighdeáin uisce óil Uisce Éireann, de réir rialacháin Uisce Óil an AE, dian agus áirítear leo corrlaigh sábháilteachta leathana. I gcás ina sainaithnítear rioscaí do cháilíocht an uisce trí chlár feabhsaithe tástála agus monatóireachta Uisce Éireann, téitear i gcomhairle le FSS, agus eisítear Fógraí Fiuchta Uisce chun an tsláinte phoiblí a chosaint. I ngach cás, déantar beart láithreach chun aghaidh a thabhairt ar chúis na faidhbe chun go mbeifear in ann deireadh a chur leis an bhfógra chomh tapa agus chomh sábháilte agus is féidir, i gcomhaontú leis an FSS.

Faigheann custaiméirí leochaileacha atá cláraithe le Uisce Éireann cumarsáid dhíreach maidir le Fógraí Fiuchta Uisce. Cuirtear i gcuimhne do chustaiméirí go bhfuil an t-uisce sábháilte le hól nuair a bheidh sé bruite. 

Ní mór an t-uisce fhiuchadh:

• Le haghaidh óil
• Le haghaidh deochanna a dhéantar le huisce
• Chun sailéid agus bianna atá cosúil leo a ullmhú nach ndéantar a chócaráil sula n-itear iad
• Chun fiacla a ní
• Chun oighear a dhéanamh. Caith amach ciúbanna oighir i gcuisneoirí agus i reoiteoirí agus uisce scagtha i gcuisneoirí. Déan oighear as uisce fiuchta fuaraithe.

Cad iad na bearta ba chóir a dhéanamh:

• Úsáid uisce a ullmhaíodh le hól agus tú ag ullmhú bianna nach mbeidh cócaráilte (m.sh. sailéid a ní)
• Is féidir uisce a úsáid le haghaidh sláinteachas pearsanta, folctha agus sruthlú leithris ach ní chun fiacla a ní nó chun do bhéal a fholcadh
• Fiuch uisce trína chur ar fiuchadh rollach láidir (m.sh. le citeal uathoibríoch) agus lig dó fuarú. Clúdaigh agus stóráil i gcuisneoir nó in áit fhuar é. Níl uisce ón sconna te sábháilte lena ól. Ní dhéanfar uisce sábháilte le hól mar gheall ar scagairí uisce tí a úsáid.
• Ba cheart a bheith cúramach agus tú ag folcadh páistí lena chinntiú nach slogfaidh siad an t-uisce folctha
• Ag Ullmhú Bainne Foirmle Do Naíonáin: Nuair atá Fógra Fiuchta Uisce i bhfeidhm, is féidir bainne foirmle do naíonáin a ullmhú le huisce ón sconna a cuireadh ar fiuchadh é uair amháin (fiuchadh leanúnach ar feadh 1 nóiméad) agus a ligeadh dó fuarú roimh ré. Is féidir bainne foirmle do naíonáin a ullmhú le huisce buidéil freisin. Déantar uisce uile i mbuidéil, seachas uisce mianraí nádúrtha, a rialú ar an gcaighdeán céanna le huisce óil. Is fearr gan uisce i mbuidéil a bhfuil lipéad mar ‘Uisce Mianraí Nádúrtha’ air a úsáid mar go bhféadfadh leibhéil arda sóidiam (salann) agus mianraí eile a bheith ann, cé gur annamh a bhíonn. Is féidir ‘Uisce Mianra Nádúrtha’ a úsáid mura bhfuil aon uisce eile ann, ar feadh tréimhse ama chomh gearr agus is féidir, mar tá sé tábhachtach go bhfuil a ndóthain le hól ag leanaí. Má úsáidtear uisce i mbuidéil chun bainne foirmle a dhéanamh do naíonáin, ba chóir é a chur ar fiuchadh uair amháin (fiuchadh leanúnach ar feadh 1 nóiméad), agus lig dó fuarú mar is iondúil. Is féidir leas a bhaint freisin as foirmle réidh-le-húsáid nár ghá a thuilleadh uisce a chur isteach ann.

Ba chóir a bheith an-chúramach le huisce fiuchta chun dónna agus scalladh a sheachaint mar is féidir le timpistí tarlú go héasca, go háirithe le páistí.

Tá Uisce Éireann tiomanta do chustaiméirí a choinneáil ar an eolas ar fud ardáin éagsúla 24/7 agus molaimid do chustaiméirí dul i dteagmháil linn trínár suíomh gréasáin, cainéal X @IWCare agus trínár líne chabhrach do chúram custaiméirí atá oscailte 24/7 ar 1800 278 278.